پاکستان کے شہر راولپنڈی کے علاقے لیاقت روڈ میں جماعت اسلامی کے زیر اہتمام فلسطین کی مزاحمتی تنظیم حماس کے پولیوٹیکل بیورو کے سربراہ شہید اسماعیل ہنیہ کی غائبانہ نماز جنازہ ادا کی گئی۔
جماعت اسلامی کا دھرنا آج پانچویں روز بھی جاری ہے۔ امیر جماعت حافظ نعیم الرحمان کا کہنا تھا کہ اسماعیل ہنیہ کے شہادت کی بھرپور مذمت کرتی ہے، سابق وزیراعظم فلسطین اتھارٹی اسماعیل ہنیہ کو شہید کر دیا گیا ہے، ہمیں تاریخ کا سبق یاد ہے حماس کی یہ تحریک کبھی رکے گی نہیں، ہمیشہ شہید ایک نئے انقلاب کا عنوان بن جاتا ہے۔
راولپنڈی میں اسماعیل ہنیہ کی غائبانہ نمازجنازہ میں شہر بھر سے ہزاروں افراد نے شرکت کی۔ حافظ نعیم نے نماز جنازہ پڑھائی جس میں فلسطینی سفارت خانہ کے وفد اور جماعت اسلامی کے مرکزی و صوبائی قائدین نے شرکت کی۔
رپورٹ: رمنا سعید
ایڈیٹنگ: سید حمزہ علی
#Hamas
#Palestine
#Israel-Gaza war
#Middle East
#Pakistan
