’لوگ زندہ جل گئے‘، الاقصی ہسپتال میں بے گھر فلسطینیوں کے خیموں پر اسرائیلی بمباری

پیر کی صبح ہونے والی بمباری کی وجہ سے خیموں میں خوفناک آگ بھڑک اٹھی، کچھ فوٹیجز میں دیکھا گیا کہ لوگ زندہ جل رہے ہیں۔

امدادی کارکنوں نے آگ بجھانے اور بچ جانے والوں کو بچانے کی کوشش کی۔

اس حملے میں کم از کم تین لوگ کے ہلاک اور 40 کے زخمی ہونے کی اطلاع ہے۔

غزہ میں قائم میڈیا آفس کا کہنا ہے کہ یہ الاقصیٰ ہسپتال پر ساتواں اسرائیلی حملہ ہے۔

اسرائیلی فوج کے ترجمان نے تصدیق کی کہ اسرائیلی فضائیہ نے یہ حملہ کیا، انہوں نے ثبوت فراہم کیے بغیر دعویٰ کیا کہ ہسپتال کمپلیکس کو فلسطینی گروپ حماس نے اسرائیل کے خلاف حملوں کے لیے ’کمانڈ اینڈ کنٹرول سینٹر‘ کے طور پر استعمال کیا تھا۔