حال ہی میں سری لنکا مسلم مخالف واقعات پیش آئے تھے
سری لنکا کی ایک عدالت نے مشہور بھکشو (دنیاوی زندگی سے دور رہ کر مذہبی زندگی یا روحانی عمل کرنے والے) کو اسلام مخالف تبصرے کرنے پر جیل بھیج دیا گیا۔
نیوز وائر
کے مطابق گناسارا تھیرا نامی بھکشو کو گرفتاری کے وارنٹ جاری ہونے کے بعد عدالت میں پیش نہ ہونے پر نو مہینے قید اور جرمانے کی سزا سنائی گئی۔
گناسارا تھیرا انتہائی دائیں بازو کے گروپ بودو بالا سینا کے رکن ہیں۔ انہیں گزشتہ سال بھی چار سال قید کی سزا سنائی گئی تھی جب 2016 میں انہوں نے اسلام مخالف تبصرے کیے گئے۔ بعدازاں سزا کے خلاف اپیل کرتے ہوئے انہیں ضمانت پر رہا کر دیا گیا تھا۔ ان پر ملک میں مختلف گروپس کے درمیان تقسیم یا تنازعے کا باعث بننے والے تبصرے کرنے کا بھی الزام ہے۔
حال ہی میں سری لنکا مسلم مخالف واقعات پیش آئے تھے، ان واقعات کی اسلامی تعاون تنظیم نے مذمت کی تھی۔
عدالت نے کہا کہ آئین ہر عقیدے سے تعلق رکھنے والے شہریوں کو آزادی سے اپنے مذہب کو ماننے اور اس پر عمل کرنے کا حق دیتا ہے۔
#سری لنکا
#اسلام
#مذہب
