اسلام آباد،خیبرپختونخوا سمیت مختلف علاقوں میں زلزلے کے جھٹکے، شدت 5.4 ریکارڈ

پاکستان کے دارالحکومت اسلام آباد اور صوبہ خیبرپختونخوا کے مختلف علاقوں میں 5.4 شدت کے زلزلے کے جھٹکے محسوس کیے گئے۔

پاکستان کے محکمہ موسمیات (پی ایم ڈی) نے کہا کہ زلزلے کی شدت 5.4 تھی اور یہ صبح دس بجکر 56 منٹ پر محسوس کیے گئے۔

پی ایم ڈی کی ویب سائٹ کے مطابق زلزلے کا مرکز افغانستان تھا اور اس کی گہرائی 215 کلومیٹر تھی۔ مردان، مالاکنڈ، ہنگو، بونیر، شانگلہ، دیر اور چارسدہ سمیت خیبر پختونخوا کے مختلف شہروں میں زلزلے کے جھٹکے محسوس کیے گئے۔

اسلام آباد میں بھی زلزلے کے جھٹکے محسوس کیے گئے جس کے بعد کئی لوگ خوف سے عمارتوں سے باہر نکل آئے۔