غزہ میں انسانوں سمیت اب جانور بھی خوراک کی کمی کا شکار ہورہے ہیں جس کی وجہ سے ان کی اموات ہورہی ہیں۔
اسرائیلی فوج فضائی اور زمینی حملوں کے ساتھ سمندری حملے بھی کررہی ہیں جس کی وجہ سے لاکھوں افراد بے گھر ہوچکے ہیں اور شہر ملبے کا ڈھیر بن گیا ہے۔
اقوام متحدہ نے پہلے ہی خبردار کردیا ہے کہ غزہ میں قحط کا خطرہ ہے اور پوری آبادی کو بھوک کی شدید کمی کا سامنا ہے، جنوبی غزہ میں موجود لاکھوں بے گھر افراد کو پناہ، صحت، خوراک، پانی اور صفائی کی سہولتیں مناسب طور پر حاصل نہیں ہیں۔
اقوام متحدہ نے کہا ہے کہ عید الاضحیٰ کے دوران اسرائیل کی طرف سے غزہ میں اعلان کردہ جنگی وقفے سے امدادی کی ترسیل پر کوئی اثر نہیں پڑا ہے۔ امداد کی فراہمی اب بھی ممکن نہیں ہو پا رہی ہے۔